צה - א לכו נרננה ליהוה נריעה לצור ישענו - ב נקדמה פניו בתודה בזמרות נריע לו - ג כי אל גדול יהוה ומלך גדול על כל אלהים - ד אשר בידו מחקרי ארץ ותועפת הרים לו - ה אשר לו הים והוא עשהו ויבשת ידיו יצרו - ו באו נשתחוה ונכרעה נברכה לפני יהוה עשנו - ז כי הוא אלהינו ואנחנו עם מרעיתו וצאן ידו היום אם בקלו תשמעו - ח אל תקשו לבבכם כמריבה כיום מסה במדבר - ט אשר נסוני אבותיכם בחנוני גם ראו פעלי - י ארבעים שנה אקוט בדור ואמר עם תעי לבב הם והם לא ידעו דרכי - יא אשר נשבעתי באפי אם יבאון אל מנוחתי ? -
Les fetes juives - les tehilims - les psaumes - explications - cours - videos - musiques - films