ג - א מזמור לדוד בברחו מפני אבשלום בנו - ב יהוה מהרבו צרי רבים קמים עלי - ג רבים אמרים לנפשי אין ישועתה לו באלהים סלה - ד ואתה יהוה מגן בעדי כבודי ומרים ראשי - ה קולי אליהוה אקרא ויענני מהר קדשו סלה - ו אני שכבתי ואישנה הקיצותי כי יהוה יסמכני - ז לאאירא מרבבות עם אשר סביב שתו עלי - ח קומה יהוה הושיעני אלהי כיהכית אתכלאיבי לחי שני רשעים שברת - ט ליהוה הישועה עלעמך ברכתך סלה -
Les fetes juives - les tehilims - les psaumes - explications - cours - videos - musiques - films