קמח - א הללו יה הללו את יהוה מן השמים הללוהו במרומים - ב הללוהו כל מלאכיו הללוהו כל צבאו - ג הללוהו שמש וירח הללוהו כל כוכבי אור - ד הללוהו שמי השמים והמים אשר מעל השמים - ה יהללו את שם יהוה כי הוא צוה ונבראו - ו ויעמידם לעד לעולם חק נתן ולא יעבור - ז הללו את יהוה מן הארץ תנינים וכל תהמות - ח אש וברד שלג וקיטור רוח סערה עשה דברו - ט ההרים וכל גבעות עץ פרי וכל ארזים - י החיה וכל בהמה רמש וצפור כנף - יא מלכי ארץ וכל לאמים שרים וכל שפטי ארץ - יב בחורים וגם בתולות זקנים עם נערים - יג יהללו את שם יהוה כי נשגב שמו לבדו הודו על ארץ ושמים - יד וירם קרן לעמו תהלה לכל חסידיו לבני ישראל עם קרבו הללו יה -
Les fetes juives - les tehilims - les psaumes - explications - cours - videos - musiques - films