קי - א לדוד מזמור נאם יהוה לאדני שב לימיני עד אשית איביך הדם לרגליך - ב מטה עזך ישלח יהוה מציון רדה בקרב איביך - ג עמך נדבת ביום חילך בהדרי קדש מרחם משחר לך טל ילדתיך - ד נשבע יהוה ולא ינחם אתה כהן לעולם על דברתי מלכי צדק - ה אדני על ימינך מחץ ביום אפו מלכים - ו ידין בגוים מלא גויות מחץ ראש על ארץ רבה - ז מנחל בדרך ישתה על כן ירים ראש -
Les fetes juives - les tehilims - les psaumes - explications - cours - videos - musiques - films