קיב - א הללו יה אשרי איש ירא את יהוה במצותיו חפץ מאד - ב גבור בארץ יהיה זרעו דור ישרים יברך - ג הון ועשר בביתו וצדקתו עמדת לעד - ד זרח בחשך אור לישרים חנון ורחום וצדיק - ה טוב איש חונן ומלוה יכלכל דבריו במשפט - ו כי לעולם לא ימוט לזכר עולם יהיה צדיק - ז משמועה רעה לא יירא נכון לבו בטח ביהוה - ח סמוך לבו לא יירא עד אשר יראה בצריו - ט פזר נתן לאביונים צדקתו עמדת לעד קרנו תרום בכבוד - י רשע יראה וכעס שניו יחרק ונמס תאות רשעים תאבד -
Les fetes juives - les tehilims - les psaumes - explications - cours - videos - musiques - films